‘Death toll sa New York, bumababa na’

Kinumpirma ni New York Governor Andrew Cuomo na naitala ngayong araw sa New York City ang pinakamababang bilang ng mga taong namatay dahil sa coronavirus.

Nakapagtala lamang ng 540 COVID-19 deaths ang naturang estado matapos pumalo sa 799 ang mga nasawi noong April 8.

Sa ngayon ay halos 13,000 katao na ang namamatay sa buong New York sanhi ng COVID-19.

Ayon kay Cuomo, nasa 17,000 katao ang kasalukuyang nasa ospital.

Posible aniya na narating na ng estado ang peak ng virus dahil unti-unti na raw bumababa ang bilang ng kaso rito.

Sa kabila nito, importante pa rin umano ang patuloy na pagpapatupad ng mga patakaran para tuloy-tuloy nang bumaba ang infection rate.