Nakatakda nang ilunsad ng state-owned Development Bank of the Philippines (DBP) ang fourth batch ng mga scholars sa ilalim ng flagship corporate social responsibility (CSR) initiative.
Sinabi ni DBP president at chief executive officer Emmanuel Herbosa na sa ilalim ng Resources for Inclusive and Sustainable Education (RISE) scholarship program, nasa 510 na deserving students mula sa mga underprivileged Filipino families ang magpapatuloy sa tertiary education sa 10 DBP-accredited partner Higher Educational Institutions (HEI).
Itinuturing ni Herbosa na ang pagpapatupad ng DBP RISE ay renewal of commitment sa DBP kasama na ang education sector habang nagpapatuloy ang mga itong mag-evolve at mag-adapt sa mga pagsubok kasunod ng pagtama ng pandemic dito sa bansa at at ang pagbabago ng socio-economic environment.
Ang DBP RISE ay primary corporate social responsibility (CSR) program sa edukasyon at nagbibigay ang mga ito ng financial assistance sa mga scholars na naka-enroll sa engineering, architecture, real estate management, accountancy, education, sciences, agriculture and forestry, allied medical courses, maritime, hospitality, information technology at technical vocational courses.
Inilunsad ito noong taong 2018 na mayroong kabuuang pondo na P500 million para sa limang taon.
Ang 10 partner schools naman sa fourth batch ng programa ang Asian Institute of Maritime Studies; Pamantasan ng Lungsod ng Maynila; St. Dominic College of Asia, Cavite; STI Colleges, Inc.; Technological University of the Philippines – Visayas; University of Cebu; West Visayas State University, Iloilo; Mindanao State University, Marawi City; Mindanao State University – General Santos City at University of Science and Technology of Southern Philippines.
