-- Advertisements --
Niyanig ng magnitude 5.4 earthquake ang Davao Oriental kaninang umaga.
Sa ulat ng Phivolcs, bandang alas-8:09 ng umaga kanina naramdaman ang lindol na natukoy ang sentro sa 37 kilometers southeast sa bayan ng Governor Generoso.
Nabatid na tectonic ang origin ng lindol at may lalim na 42 kilometers.
Samantala, Intensity V ang naramdaman sa Governor Generoso at Intensity IV sa Mati City.
Habang Intensity III ang naitala sa bayan ng Tampakan at Tupi sa South Cotabato.
Intensity II naman ang narehistro sa siyudad ng Davao, Kidapawan, and General Santos, at sa Kiamba, Sarangani.
Intensity 1 naman sa Arakan, Cotabato.
Ayon sa Phivolcs asahan na magkaroon ng pinsala at aftershocks bunsod ng nasabing lindol.
