BOMBO DAGUPAN- Isinailalim na sa state of calamity ang lungsod ng Dagupan dahil sa epekto ng bagyong Egay.
Sa Special Session na ginanap kanina inaprubahan ang resolusyon na nagdedeklara ng State of Calamity sa ciudad matapos makapagtala ng mga matinding epekto ng Super Typhoon Egay sa lungsod dahil sa malubhang pagbaha.
Ayon naman sa pagtatala ni Ronald De Guzman, Head ng City Disaster Risk Reduction and Management Office o CDDRMO, umabot sa kabuuang 128 na kabahayan ang nasalanta sa bagyo. Patuloy pa rin ang isinasagawa nilang assesment upang matukoy pa ang iba pang naapektuhang kabahayan.
Pinangambahan na umabot sa critical level ang Sinocalan River na umaabot sa 7.40m above sea level. Ito din umano ang nagsasanhi ng nararanasang pagbaha sa syudad.
Hiniling naman ni Councilor Dada Reyna ang pagkakaroon ng transparency sa pagdating sa distribusyon ng tulong sa mga apektadong Dagupeños.
Saad din ni Finance Chair Councilor Red Erfe-Mejia, dapat walang pinipili sa pagbibigay ng relief goods.
Sinabi din ni Councilor Manang Celia Lim na maging pantay ang pagbibigay ng relief items sa mga apektadong Dagupeños.
Dahil dito, inobliga ang department heads na magsumite ng report hinggil sa paggamit ng pondo.
