Hindi pa man tapos ang NBA Finals naniniwala si Hall of Famer at basketball legend Magic Johnson na dapat tanghaling MVP si Stephen Curry.
Sa kanyang social media statement sa pamamagitan ng Tweeter, sinabi ni Johnson na anuman ang kalabasan ng serye, kung magkampeon man o hindi ang Warriors nararapat pa ring tanghaling MVP si Curry.
“I think no matter who wins the Golden State vs. Boston series, Steph Curry should be the MVP because he’s been dominant in the first four games!”
Sa nakalipas na apat na laro laban sa Boston, nag-a-average si Curry ng 34.3 points, 6.3 rebounds at 3.8 assists habang sa shooting ay 50.0 percent mula sa field at 49.0 percent sa three-point area.
Sa huling laro sa Game 4 kumamada naman si Curry ng 43-point at 10 rebounds.
