CENTRAL MINDANAO-Nakipagpulong sa mga opisyal ng Bangsamoro Autonomous Region in Muslim Mindanao (BARMM) si Cotabato Governor Emmylou “Lala” Taliño Mendoza sa Cotabato City.
Sa pagpupulong kasama sina Board Member Sittie Eljorie Antao-Balisi at BARMM Member of Parliament Mohammad Kelie U. Antao.
Inihayag ng gobernadora ang kanyang patuloy na pagsuporta sa 63 barangay na dating sakop ng probinsya at ngayon ay napabilang na sa BARRMM Special Geographic Area (SGA).
Dagdag din nito na handang makipagtulungan ang pamahalaang panlalawigan sa BARMM government lalo na sa usaping pangkapayapaan at kaunlaran.
Nagpasalamat din ito sa rehiyon sa pagsusulong nito ng kaunlaran at pagpapanatili ng kapayapaan sa kanilang nasasakupan.
Kabilang sa mga opisyal na nakausap ni Governor Mendoza ngayong araw ay sina BARMM Chief Minister Ahod Ebrahim, Al Haj, BARMM Senior Minister Abdulraof Abdul Macacua, Minister of Basic, Higher and Technical Education Mohagher M. Iqbal at Member of the Bangsamoro Parliament Romeo K. Sema.
