Suportado ng Commission on Human Rights (CHR) ang isang proyekto na naglalayong i-rehabilitate at muling isama ang mga persons depribed of liberty (PDL) pabalik sa lipunan sa pamamagitan ng gawaing agrikultura.
Inilunsad noong nakaraang buwan, ang Reformation Initiative for Sustainable Environment for Food Security (RISE) Project ay naglalayon na gamitin ang mga idle lands ng Bureau of Corrections (BuCor) para sa pagpapaunlad ng agrikultura upang matulungan ang layunin ng gobyerno na matamo ang food security.
Ang proyekto ay magsisimula sa operasyon nito sa Iwahig penal colony sa Palawan.
Ayon sa CHR, ang inisyatiba na ito ay naglalayong lumikha ng mga puwang kung saan ang pagbabago at modernisasyon ay ilalagay upang matiyak ang isang positibong epekto sa sektor ng agrikultura ng bansa at matugunan ang isyu ng seguridad sa pagkain.
Ito ay nakatuon din sa rehabilitasyon ng mga PDL na nagsisilbi ng mga sentensiya ng higit sa 3 taon, sa pamamagitan ng pagsasama ng mga ito sa programa.
Dagdag dito, ang proyekto ay nag-aalok sa mga PDL ng pagkakataon na makakuha ng mga bagong kasanayan, mag-ambag sa hinaharap ng agrikultura at pagkain ng bansa.
Una na rito, umaasa ang CHR na ito ay makakatulong sa pagpapabuti ng kapakanan at kalusugan ng mga PDL habang binibigyan sila ng pagkakataong makabuluhang makapag-ambag sa food security ng Pilipinas.
