Nakipagpulong si Chief Justice Alexander Gesmundo at iba pang mahistrado ng Korte Suprema sa isang delegasyon ng Amerika mula sa United States Embassy’s Office of International Narcotics and Law Enforcement Affairs (INL).
Sa isang pahayag sinabi ng mataas na hukuman na muling pinagtibay ng Korte Suprema at ng International Narcotics and Law Enforcement Affairs (INL) ang kanilang pangako na patuloy na magtulungan sa mga judicial reform programs..
Kasama ni Gesmundo sina Justices Alfredo Benjamin Caguioa, Henri Jean Paul Inting, Rodil Zalameda, Jhosep Lopez, Japar Dimaampao, Jose Midas Marquez, Antonio Kho, at Maria Filomena Singh.
Ang delegasyon ng Amerika ay pinamumunuan ni International Narcotics and Law Enforcement Affairs (INL) Acting Principal Deputy Assistant Secretary Lisa Johnson.
Kasama niya sina International Narcotics and Law Enforcement Affairs (INL) director Kelia Communs, Legal Adviser na si Don Calvert, at International Narcotics and Law Enforcement Affairs (INL) Program Officer Richard Maloney, at Chudney Ngo.
Sinabi rin ni Johnson na ipinagmamalaki niya ang pakikipagsosyo sa Korte Suprema ng Pilipinas.
Pinuri rin niya ang Court’s Strategic Plan for Judicial Innovations 2022-2027, na kinabibilangan ng mga reporma na naglalayong pahusayin ang efficiency, innovation, at access to information.
