Carlos Yulo pasok na sa Worlds Championships sa Belgium

Pasok na sa Worlds Championships sa Antwerp Belgium si Filipino Olympian at gymnast Carlos Yulo.

Ito ay matapos na magwagi siya ng silver medal sa men’s individual all-around event sa 2023 Asian Gymnastics Championships sa Singapore.

Mayroon itong kabuuang puntos na 85.930 habang si Shinnosuke Oka ng Japan ay unang puwesto na mayroong 86.065 at ang kapwa Japanese na si Takeru Kitazono ay pumangatlo sa puwesto na mayroong 85.431.

Nanguna si Yulo sa qualifiers ng floor, vault at parallel bars habang gaganapin ngayong Hunyo 17 ang apparatus finals.