Muling naghari si Carlos Yulo sa 2026 Asian Games matapos manalo ng gintong medalya sa men’s vault event ngayong Biyernes sa Nagoya.
Nakamit ng two-time Olympic champion ang average score na 14.599 upang maungusan ang kalabang si Mahdi Olfati ng Iran na nakakuha ng pilak na medalya.
Naglista si Yulo ng 14.733 sa kanyang unang talon at 14.466 naman sa ikalawa upang maitala ang panalo laban sa 14.533 ng atletang Iranian, habang napunta naman kay Ng Ka Ki ng Hong Kong ang tanso.
Ang tagumpay na ito sa vault ay nasungkit ng atletang Pilipino sa loob lamang ng 24 oras matapos niyang magwagi sa men’s floor exercise final.
Dahil sa panibagong karangalang ito ni Yulo, naisakatuparan ng bansa ang paghawak sa unang dalawang gintong medalya sa ginagawang edisyon ng Asian Games.
