-- Advertisements --
Personal na binisita ni Canadian Prime Minister Mark Carney si US President Donald Trump.
Ang nasabing pagbisita ay kasunod ng tensiyon sa usaping kalakalan kung saan nagpatupad ng mataas na taripa ang US sa mga produkto ng Canada.
Sa nasabing pulong ay muling iginiit ni Carney na hindi ibinebenta ang Canada bilang kasagutan sa plano ni Trump na gawing pang-51 na estado ang Canada.
Iginiit naman ni Trump na kahit nagpulong na sila ni Carney ay hindi pa rin mababago ang desisyon nito na magpatupad ng taripa.
Magugunitang pinatawan ni Trump ng 25 percent na taripa ang mga produkto ng Canada kung saan gumanti rin ang Canada at pinatawan ng taripa ang nasa $43 bilyon na halaga ng produkto ng US.
