Inaprubahan ng Bangko Sentral ng Pilipinas ang pansamantalang hakbang na magpapahintulot sa mga bangkong hindi pa rehistrado sa payment at currency systems na direktang makapag-withdraw ng cash sa oras ng kalamidad o emergency.
Layunin nitong matiyak na may sapat na pera ang mga bangko kapag napuputol ang normal na operasyon.
Epektibo ang polisiya hanggang Disyembre 31, 2027.
Sa ilalim ng polisiya, maaaring mag-withdraw ang mga bangko mula sa BSP regional o branch offices kapag may idineklarang state of calamity o suspensiyon ng trabaho dahil sa sakuna, at may itinakdang palugit din para sa withdrawals matapos ang pagbabalik ng operasyon.
Kailangang magsumite muna ang mga bangko ng authorization documents bago ang unang withdrawal, na kailangang aprubahan ng BSP regional operations unit, at hinihikayat na isumite ito nang maaga.
Gayundin, may service fees pa rin sa mga transaksyon, habang hindi na sisingilin ang penalties sa mga kanseladong withdrawal.
