Binatilyo, natuhog ng bakal matapos mabangga ng pickup truck dahil nakaidlip ang driver

Natuhog ng mga bakal ang isang binatilyo matapos itong mabangga ng pick-up truck.

Ang insidente ay nangyare sa malapit sa construction site sa Zone 1, Upper Bantiles, Barangay Budo, Cagayan de Oro pasado 2 p.m, nitong Sabado.

Sa inisyal na imbestigasyon, nakaidlip umano ang driver ng pick-up truck. Matapos nito mabangga ang biktima, nahulog ang binatilyo sa mga bakal na gamit sa naturang site na nakapwesto sa gilid ng daan.

Agad naman nadakip ang driver pero nakalaya matapos nito makausap ang pamilya ng biktima.

Samantala, ayon sa awtoridad, maaari pa ring makasuhan ang driver ng Reckless Imprudence Resulting in Serious Physical Injuries sakaling magbago ang desisyon ng pamilya ng biktima.