Amihan patuloy na makakaapekto sa Northern Luzon, magdadala ng pag-ulan – PAGASA

Patuloy na maaapektuhan ng northeast monsoon o amihan Northern Luzon ngayong Linggo, Pebrero 4,2024.

Ayon sa PAGASA magdadala ito ng maulap na papawirin na may mahinang pag-ulan sa Cagayan Valley at Aurora.

Magdadala din ang Amihan ng bahagyang maulap hanggang sa maulap na papawirin na may pulu-pulong mahinang pag-ulan sa rehiyon ng Ilocos at CAR.

Samantala, maaapektuhan naman ng easterlies ang silangang bahagi ng Visayas at Mindanao.

Bahagyang maulap hanggang sa maulap na papawirin na may pulu-pulong mga pag-ulan o pagkidlat-pagkulog ang iiral sa Metro Manila at sa nalalabing bahagi ng bansa dahil sa easterlies/localized thunderstorms.