-- Advertisements --
Umakyat na sa 1,103 ang kabuuang bilang ng aftershocks na naranasan sa Davao de Oro, matapos ang malakas na lindol doon kamakalawa.
Sa naturang bilang, 181 ang plotted o na-detect ng dalawa o higit na pasilidad ng mga eksperto.
Habang 27 naman sa mga ito ang naramdaman ng mga residente.
Ang mga pagyanig ay nai-record mula magnitude 1.5 hanggang magnitude 5.9.
Sa pagtaya ng Department of Science and Technology (DOST), magtatagal pa ang aftershocks hanggang sa mga susunod na linggo.
Kaya naman, pinag-iingat pa rin ang publiko, lalo na ang mga nasa mga gusaling nakitaan ng bitak dahil sa tectonic earthquake.
