Ayon sa Philippine Atmospheric, Geophysical and Astronomical Services Administration (PAGASA), ang habagat ay nakakaapekto sa Northern at Central Luzon ngayong Linggo, September 4,2022.
Sa inilabas na 4:00 a.m. weather bulletin ng ahensiya, magkakaroon ng maulap na papawirin ang Metro Manila, Ilocos Region, Batanes, Babuyan Islands, Abra, Benguet, Zambales, Bataan, Tarlac, Pampanga, Nueva Ecija, Bulacan, Cavite, Batangas, at Occidental Mindoro.
Makakaranas din ng kalat-kalat na pag-ulan at pagkidlat-pagkulog dahil sa southwest monsoon.
Ang Davao Region at SOCCSKSARGEN ay makakaranas ng maulap na papawirin na may kalat-kalat na pag-ulan at pagkidlat-pagkulog dulot ng Intertropical Convergence Zone.
Bahagyang maulap hanggang sa maulap na papawirin na may pulu-pulong mga pag-ulan o pagkidlat-pagkulog dulot ng southwest monsoon olocalized thunderstorm ang iiral sa nalalabing bahagi ng bansa.
