Nagpaabot ng pakikiramay si Vice President Leni Robredo sa naulilang pamilya ng mga namatay sa insidente ng pagsabog sa Jolo, Sulu nitong araw.
Sa isang statement, sinabi ng pangalawang pangulo na nakababahala ang insidenteng sumabay sa hinaharap na krisis ng bansa sa coronavirus disease (COVID-19).
“This attack is even more horrific in the context of the pandemic, when the imperative is to pull together to address the damage already wrought on our health, economy, and way of life.”
“To kill in such manner, in these times, regardless of motivation, is inhumane.”
Tiniyak ni VP Leni na kaisa siya ng mga sundalo, iba pang uniformed personnel at mga residente ng Jolo sa panawagang makamit ang hustisya sa nangyaring krimen.
“I stand with our soldiers and the men and women of our uniformed services as well as with the people of Jolo, and call on government to do all that it can to bring those behind this act of terror to justice.”
Sa huling tala ng mga otoridad, umabot na sa 13 ang bilang ng mga namatay na sundalo at sibilyan sa nangyaring pagpapasabog sa bayan ng Jolo sa Sulu.
