Naharang ng Bureau of Customs (BOC)-Environmental Protection and Compliance Division (EPCD) ang refrigerant materials na nagkakahalaga ng P4 million.
Ang mga kemikal ay nakalagay sa 20 feet container at lumalabas na wala itong kaukulang clearance mula sa Department of Environment and Natural Resources (DENR)-Environmental Management Bureau (EMB).
Sa lumabas na mga report nasa 1,150 units ng Koman Refrigerant chemicals ang naharang sa Manila International Container Port (MICP) at Ito ay mula sa China.
Consignee ng naturang kontrabando sa Barcolair Philippines Inc. na iprinoseso ng customs broker na si Alex Talaboc Bayot.
Ang shipment ay hinarang dahil na rin sa paglabag sa Section 117 na may kaugnayan sa Section 1113 ng Republic Act (RA) No. 10863 o ang Customs Modernization and Tariff Act (CMTA) at Customs Memorandum Order No. 9-2015 na may kaugnayan naman sa RA 6969 at EMB Memorandum Circular Order No. 2005-03.
