-- Advertisements --
Nabigo si Filipina tennis star at World No. 19 Alex Eala na makausad sa susunod na round ng Wuhan Open matapos matalo kay Shi-Han ng China, na kasalukuyang world No. 217.
Nakuha ni Eala ang unang set, 6-4, ngunit bumawi si Shi-Han sa ikalawang set, 6-3, bago tuluyang selyuhan ang panalo sa deciding set.
Dahil sa panalo, uusad si Shi-Han sa ikalawang round kung saan makakaharap niya ang world No. 25 na si Leylah Fernandez ng Canada.
Samantala, tututok naman si Eala sa doubles event, kung saan makakasama niya ang Turkish player na si Zeynep Sonmez laban sa Ukrainian tandem nina Anhelina Kalinina at Dayana Yastremska.
