6 patay, 30 nawawala sa landslide sa Ecuador

Patay ang nasa 6 na katao sa naganap na landslide sa Ecuador.

Naganap ang insidente sa Banos de Agua Santa city kung saan mayroong 30 iba pa ang naiulat na nawawala.

Ayon sa Ecuadorian Secretariat for Risk Management na patuloy ang ginagawang pag-rescue sa mga naiulat na nawawala.

Pinalikas na ng mga otoridad ang ibang mga residente na malapit sa lugar.