DAVAO CITY – Arestado ang limang lalaking nagtangkang magpuslit ng mga kontrabando mula Davao City papuntang North Cotabato.
Kinilala ang mga ito na sina Haime Akmad Kusain, 27; Musaidin Ali, 53; Badrudin Uyag Guket, 31; Mama Ayob Uka, 35; at Kamarudin Kanday Pendaliday, 25-anyos, na pawang mga residente ng Maguindanao Province.
Sakay ang mga ito ng dalawang cargo truck nang mahuli sa joint checkpoint operation ng Task Force Covid 19 sa Barangay Kinuskusan, Bansalan, Davao del Sur alas-8:00 kagabi.
Food pass ang ipinakita ng mga ito subalit nang berepikahin ang kanilang mga karga ay natuklasan na non-essential goods ang dala-dala ng mga ito tulad na lamang ng ilang kahong sigarilyo.
Wala ring maipakitang permit ang mga ito sa kanilang delivery kaya inaresto ng mga awtoridad.
