46% ng mga Pilipino naniniwalang bubuti ang kalidad ng kanilang buhay sa susunod na 12 buwan – survey

Halos kalahati ng mga Pilipino ang umaasa na bubuti ang kanilang kalidad ng buhay sa susunod na 12 buwan, ayon sa resulta ng survey ng Social Weather Stations (SWS).

Isinagawa ang Second Quarter 2022 SWS survey mula Hunyo 26 hanggang 29 gamit ang face-to-face interviews sa 1,500 Filipino adults sa buong bansa.

Ang mga resulta ng survey ay nagpakita na 46 porsiyento ng mga sumasagot ay naniniwala na ang kanilang kalidad ng buhay ay bubuti sa susunod na 12 buwan, 40 porsiyento ang nagsabing ito ay mananatiling pareho, at apat na porsiyento ang nag-isip na ito ay lalala.

Ang natitirang 11 porsiyento ay hindi nagbigay ng sagot.