3 patay sa pagsabog ng gas sa Kenya

Patay ang tatlong katao habang sugatan ang nasa 300 iba pa matapos ang pagsabog ng truck na may laman na mga tangke ng gas sa Nairobi, Kenya.

Base sa imbestigasyon ng mga otoridad na biglang sumabog ang truck na may kargang gas cylinders sa Embakasi districts.

Nadamay ang mga bahay, gusali at mga sasakyan sa lugar.

Isinara ng mga otoridad ang lugar habang patuloy ang ginagawang imbestigasyon ng mga otoridad sa insidente.