Natagpuang patay sa ilog ang 3-anyos na bata matapos mahulog sa imburnal sa Caloocan.
Ayon sa ulat nahulog ang bata sa maliit na butas sa kalsada sa Barangay 176, Caloocan habang naliligo sa ulan pasado alas tres nitong sabado.
Pahayag ng mga magulang ng bata, sinubukan daw ng mga kapatid ng bata na hilahin ito pero di raw kinaya dahil sa lakas ng ulan.
Nakabantay naman daw ang ina nito habang naliligo ang bata pero saglit daw siyang umuwi.
Sinuyod naman ng MMDA ang imburnal gamit ang camera at biniyak din ang semento sa kalsada gamit ang backhoe.
Ayon sa ama ng bata, tinanggap niya na na hindi niya makukuha ng buhay ang anak niya, ang mahalaga lang sa kanya ay makuha ito.
Natapos naman ang paghahanap bandang alas tres ng hapon, linggo, nang makita sa ilog ang isang bangkay.
Kinumpirma naman ng mga magulang na anak nila ang nasa loob ng body bag sa ambulansya
