22 pang Pinoy seafarers mula Ukraine, nakauwi na sa bansa

Ang naturang mga seafarers ay crew members ng MTM Rio Grande.

Isa itong oil tanker na nakadaong sa Nika-Tera port sa Ukraine noong nilusob ng Russian forces ang naturang bansa.

Sinalubong mg mga opisyales ng Department of Foreign Affairs (DFA) at Overseas Workers Welfare Administration ang mga seafarers sa Ninoy Aquino International Airport.

Ayon sa DFA nasa 323 Filipinos na ang lumikas sa Ukraine mula noong Marso 12.

Sa naturang bilang, nasa 173 ang nakarating na sa bansa.