2 patay sa aksidente sa motorsiklo sa isang bayan sa Iloilo

ILOILO CITY – Patay ang driver ng motorsiklo at angkas nito ng bumangga sa truck sa Barangay Imbaulan, Lemery, Iloilo.

Ang mga biktima ay sina John Rey Larba, 17, driver ng motorsiklo at Manuel Jile, 23, residente ng Barangay California, Barotac Viejo, Iloilo.

Sa panayam ng Bombo Radyo Iloilo kay Captain Edwin Belarmino, hepe ng Lemery Municipal Police Station, sinabi nito na magkapareho lang ang direksyon na pinagmulan ng truck at motorsiklo ngunit ng nasa crossing area na, lumiko ang truck.

Hindi naman ito namalayan ng driver ng motorsiklo kahit na nag-signal pa ang truck dahil ayon kay Belarmino, mabilis umano ang pagmamaneho ni Larba.