-- Advertisements --
Isinumite na ng Philippine Olympic Committee (POC) ang 12 pangalan ng Gilas Pilipinas members na sasabak sa Asian Games sa China.
Pito sa nasabing bilang ay naglaro sa 2023 FIBA Basketball World Cup na ito ay kinabibilangan nina Japeth Aguilar, Jamie Malonzo, Kiefer Ravena, June Mar Fajardo, Scottie Thompson, CJ Perez at RR Pogoy.
Kasama rin sina Brandon Rosser, Justin Brownlee, Ange Kouame, Chris Newsome at Calvin Oftana.
Sinabi ni POC president Abraham Tolentino na ang listahan na isinumite nila noon pang Hulyo ay pinal na.
Nakalista rin na isinimute nila bilang head coach si Chot Reyes habang assistant coach naman si Tim Cone.
