-- Advertisements --
Patay ang isang vendor matapos na araruhin ng isang AUV ang sidewalk sa Barangay Sto. Cristo, San Jose Del Monte, Bulacan.
Sa imbestigasyon ng mga kapulisan, unang bumangga ang sasakyan na minamaneho ni Rene Endaya ang isang tindahan ng saging sa sidewalk sa Sapang Palay Road.
Tinangka nitong takasan ang insidente at lumipat ng kabilang sidewalk hanggang mabangga ang iba pang nagtitinda sa lugar.
Patay sa insidente ang 29-anyos na si Juvelyn Vazquez at live-in partner nito na si Jonaver Adaza.
Inamin naman ng driver ng sasakyan na ito ay nakainom at nawalan ito ng kontrol sa sasakyan
Hawak na ng kapulisan ang nakabanggang suspek.
