1 na nagpositibo sa Covid 19 sa Kidapawan City pitong buwang buntis

CENTRAL MINDANAO- Kinumpirma ni Kidapawan City Mayor Joseph Evangelista na pitong buwang buntis ang 29 anyos na babae na nagpositibo sa Covid 19.

Ang biktima o si PH 3671 ay isang nurse at residente ng Brgy Poblacion Kidapawan City.

Ang Nurse ay may travel history sa Abu Dhabi,Singapore at Davao City.

Nasa isolation Center na sa Kidapawan City si PH 3671 habang naka-home quarantine ang kanyang pamilya at mga nakasalamuha.

Kinumpirma din ng mga Health Officials na nasa maayos ng kondisyon ang nurse at nagpapagaling na lamang.

Matatandaan na unang nagpositibo sa Covid 19 ang 45 anyos na lalake, may asawa at residente ng Midsayap North Cotabato.

Ang biktima o si PH 3272 na may travel history sa Matina Gallera sa Davao City.