Pumanaw na ang wrestling star Scott Hall o kilala bilang si Razor Ramon sa edad 63.
Kinumpirma ito ng World Wrestling Entertainment (WWE) matapos ang pagkaka-ospital nito ng ilang araw.
Nagdesisyon na rin ang pamilya nito na tanggalin ang kaniyang life support matapos ang pagkaka-ospital ng tatlong beses na itong inatake sa puso.
Siya ang four-time Intercontinental Champion at sumikat sa WWE noong 1992 kasabay nito sina Bret Hart at Shawn Michaels.
Bago ang kaniyang pagsali sa WWE ay sumali muna ito sa World Championship Wrestling (WCW) noong 1991 na kinilala bilang si Diamond Studd.
Bumalik siya sa WCW noong 1996 kung saan nakasama niya ang faction na binubuo nina Kevin Nash at Hulk Hogan.
Hinirang siya bilang WWE Hall of Fame noong 2014 at bilang miyembro ng nWo noong 2020 na naging two-time Hall of Famer.
