WHO nanawagan sa mga Hamas na palayain na ang mga bihag

Sumama na ang World Health Organization sa mga nanawagan sa Hamas militants na dapat ay palayain na nila ang hawak nilang mga bihag.

Sinabi ni WHO director-general Tedros Adhanom Ghebreyesus na lubos na nakakabahala ang nasabing kaguluhan kung saan maraming mga inosenteng Palestinian na sibilyan at bata ang nadadamay.

Dapat rin na isaalang-alang ang mga kalusugan ng mga sibilyan na nadadamay dahil sa nasabing kaguluhan.

Magugunitang idineklara ng Israel ang giyera sa Hamas matapos ang sorpresang pag-atake ng mga Hamas militant sa Israel.

Tinatayang nasa mahigit 200 na umano ang bihag na hawak ng mga Hamas militant.