-- Advertisements --

Binatikos ni Vice President Sara Duterte ang Philippine National Police nitong Sabado sa aniya’y pagiging “enforcement arm” ng mga ito sa mga pulitiko.

Sa inilabas na pahayag ng bise presidente, kinwestiyon ni Duterte ang asal ng institusyon dahil aniya’y kontra ito sa pinanghahawakang pagiging apolitikal ng PNP, bagkus ay nagiging “enforcement arm” lamang aniya ng mga politiko.

“It would be in the best interest of the Philippine National Police (PNP), as an institution, for its Chief to refrain from paying lip service to the claim that the organization is apolitical—a claim that virtually every Filipino knows to be untrue. The PNP, in practice, has become the enforcement arm of politicians,” sulat nito.

Kasunod ito ng pahayag na inilabas ng PNP ukol sa “no rescue or release” ng dating household staff member ng bise presidente, kabilang ang apat pang indibidwal.

Sa naturang pahayag, nilinaw ng PNP na hindi ikinulong o binihag ang mga dating tauhan ni Duterte nang samahan nito ang kanilang mga abogado sa isang hotel sa Taguig City noong Nobyembre 17.

Samantala, binigyang-diin din ni Duterte na hindi nagsagawa ng tamang imbestigasyon ang PNP hinggil sa usapin at aniya’y agad humantong sa “premature conclusion” ang institusyon bago nito itinatag ang buong katotohanan — bagay na aniya’y nakakabahala sa kawalan ng kinikilingan ng PNP at ang pagsunod nito sa tamang proseso ng batas.

“Such a premature conclusion, reached without first establishing the facts, raises serious concerns about the institution’s impartiality and its commitment to due process,” ani Bise Presidente.

Dagdag pa ni Duterte, nakapagtala aniya ito ng limang “documented threats” na pakana ng PNP laban sa kaniya ngunit hindi aniya ito maiharap sa paglilitis ng kanyang impeachment trial dahil sa aniya’y “malisyosong pagbawi” ng prosekusyon sa reklamong grave threats na isinampa laban sa kaniya.

“We have in our possession no fewer than five documented threats made by PNP personnel against me, members of the Office of the Vice President, and even my own family. These are not mere perceptions or political accusations. They are documented incidents that remain with me because there is nowhere to seek relief,” pagbabahagi ni Duterte.

Nangangamba rin ang Bise Presidente aniya sa kaniyang kaligtasan — gayundin aniya ang mga Pilipinong nakaranas o takot makaranas ng kapalpakan ng batas sa paghubog ng bansang ligtas kung saan kampanteng makapamumuhay ang mga tao na igagalang ang kanilang mga karapatan.

“When I say that I do not feel safe in this country, I speak not only for myself but also for the many Filipinos who have experienced, or fear experiencing, the failure of law enforcement to make this country a place where people can live with the assurance that their fundamental rights will be respected,” saad nito.

Hinimok rin nito si PNP Chief PGen. Jose Melencio Nartatez Jr. na pagtuunan ng pansin ang pagtugon sa mga hinaing ng publiko sa halip na ipagtanggol ang institusyon ng pulisya at ang mga nasa kapangyarihan.

“The responsibility of the country’s highest-ranking police official is not to defend those in power, but to ensure that every Filipino can live with the confidence that the law protects everyone equally,” giit ni Duterte.