Vilma Santos nakakaranas ng matagal na sintomas ng COVID-19

Ibinunyag ni Vilma Santos na ito ay dinapuan ng pang-matagalang uri ng COVID-19 complications.

Sinabi nito na ito ang naging dahilan kaya hindi na siya naging aktibo sa social media.

Sa kaniyang social media sinabi nito na nagnegatibo na siya sa COVID-19 subalit itong uri ng virus na dumapo sa kaniya ay pang-matagalan.

Nakakaranas pa rin ito ng sintomas ng nasabing virus kahit na nagnegatibo na siya sa nasabing virus.

Ilan sa mga sintomas na kaniyang naranasan ay ang pag-atake ng asthma, pabago-bagong blood pressure at sakit sa ulo.

Pinayuhan niya ang mga fans at followers na mag-ingat na baka dapuan ng virus dahil sa hindi malayong magaya sila sa kaniya.