Patuloy na kinikilala ang husay sa pag-arte nina Vice Ganda, Kathryn Bernardo, at Marian Rivera matapos silang magtamo ng nominasyon para sa Best Actor/Actress sa 73rd Filipino Academy of Movie Arts and Sciences (FAMAS) Awards.
Nominado si Vice Ganda para sa “And the Breadwinner Is…”, si Kathryn Bernardo para sa “Hello, Love, Again”, at si Marian Rivera para sa “Balota”.
Kasama rin sa mga pararangalan sina Ice Seguerra, Gladys Reyes, Judy Ann Santos, Matet de Leon, Ian Veneracion, at Niño Muhlach bilang mga FAMAS Child Icon of Philippine Cinema.
Gaganapin ang awards night sa Agosto 22 sa Fiesta Pavilion ng Manila Hotel.
Kabilang pa sa mga nominado para sa Best Picture ang:
- “And the Breadwinner Is…”
- “Balota”
- “Green Bones”
- “Topakk”
- “Uninvited”, at iba pa.
Nominado naman sa Best Director sina:
- Jun Lana (“And the Breadwinner Is…”)
- Dan Villegas (“Uninvited”)
- Zig Dulay (“Green Bones”)
- Richard Sommes (“Topakk”) at iba pa.
Ang FAMAS Awards ay isa sa pinakamatagal at prestihiyosong award-giving bodies sa industriya ng pelikulang Pilipino.
