Pinalawig pa ng Land Transportation Office (LTO) ang validity ng student permits, pati na rin ang lisensya ng mga drivers at konduktor, hanggang Marso 31.
Ang extension na ito ay valid para sa mga indibidwal na may edad na 17 hanggang 20-anyos, pati na rin sa mga 60 pataas.
Ang student permit at driver’s at conductor’s licenses sa age groups na ito ay papalawigin dahil required silang manatili sa loob ng kanilang bahay sa kasagsagan ng quarantine period bunsod ng COVID-19 pandemic.
Sa ilalim ng Inter-Agency Task Force for the Management of Emerging Infectious Diseases Resolution No. 79, ang mga indibidwal na 15 hanggang 20-anyos, pati na rin ang mga higit 60, ay maari lamang lumabas ng bahay para sa essential travel.
Ito na ang ikatlong pagkakataon na pinalawig ng LTO ang validity ng ilan sa mga lisensya na kanilang iginawad dahil sa prolonged restrictions sa gitna ng pandemya.
