Patay sa aksidente ang US undefeated boxing star na si Travell Mazion.
Base sa imbestigasyon ng mga kapulisan sa Texas, minamaneho nito ang kaniyang 2010 Cadillac STS ng ito banggain sa likod ng isang Nissan Sentra na nagresulta sa head-on collision sa Honda Pilot.
Agad na namatay sa insidente ang 24-anyos na boksingero habang patay din sa pagamutan ang 61-anyos na lalaki na driver ng Honda Pilot.
Naglabas naman ng pakikiramay ang Golden Boy Promotion na may hawak kay Mazion at labis silang nagulat at nalungkot sa pagkakasawi ng tinaguriang “Black Magic”.
Mayroong record ito na 17-0 na ang huling laban niya ay ng talunin si Fernando Castaneda noong Enero sa Alamodome sa San Antonio.
Tinalo niya ito sa loob ng 58 segundo.
Bumuhos naman ang pakikiramay mula sa kapwa boksingero matapos na mabalitaan ang nasabing insidente.
