Idineploy ni US Pres. Joe Biden ang mga barko at war planes ng US na lumapit sa Israel bilang pagpapakita ng suporta habang nagpapadala ng bagong tulong militar pagkatapos ng mga pag-atake ng Palestinian militant group Hamas.
Sinabi ng Pentagon na ipinapadala nito ang aircraft carrier na USS Gerald R. Ford at ang kasama nitong mga barkong pandigma sa silangang Mediterranean, habang pinapalakas ang mga fighter aircraft squadrons sa rehiyon.
Kinumpirma ng US Central Command na nagsimula nang lumipat ang mga barko at eroplano sa kanilang mga bagong post.
Ayon sa mga awtoridad, hindi bababa sa apat na mamamayang Amerikano ang kilala na napatay sa karahasan.
Mabilis na kumilos ang White House upang pagtibayin ang suporta ng US para sa Israel pagkatapos ng pag-atake mula sa Gaza Strip.
Una nang nakipag-usap si Biden sa Prime minister ng Israel na si Benjamin Netanyahu at ipinahayag na ang karagdagang tulong para sa Israeli Defense Forces ay inihahahanda na ngayon sa Israel.
