-- Advertisements --
Patay matapos barilin si US conservative activist na si Charlie Kirk.
Nangyari ang insidente habang dumadalo sa isang event sa Utah Valley University.
Tinamaan ito sa leeg kung saan naitakbo pa ang 31-anyos na si Kirk sa pagamutan subalit pumanaw din ito matapos ang ilang oras.
Ang pagpanaw ni Kirk ay kinumpirma ni US President Donald Trump na kaniyang mahigpit na kaalyado.
Patuloy naman na pinaghahanap ng mga otoridad ang suspek na nasa likod ng pamamaril.
Si Kirk ay political activist, author, media personality na naging co-founder ng conservative organization na Turning Point USA noong 2012 kung saan siya ay executive director.
