-- Advertisements --
Pumanaw na ang komedyante at US actor Richard Lewis sa edad na 76.
Kinumpirma ito ng kaniyang publicist na si Jeff Abraham kung saan inatake umano ang actor sa puso sa kaniyang bahay sa Los Angeles.
Noong Abril 2023 ay ibinunyag ng actor na mayroon siyang Parkinsons’ disease.
Unang lumabas si Lewis sa “The Tonight Show Starring Johnny Carson” noong 1974.
Kabilang din ito sa pelikulang “Robin Hood: Men In Tights” at pelikulang “Drunks” noong 1995.
Nagpaabot naman ng pakikiramay ang mga malapit na kaibigan at kasamahan nito sa showbiz industry matapos na malaman ang pagpanaw ng actor.
