Tel Aviv, Israel — Dumating sa baybayin ng Israel ang USS Gerald R. Ford, ang pinakamalaking aircraft carrier ng Estados Unidos, kasabay ng paglapag ng 20 U.S. refueling aircraft sa bansa.
Ang pagdating ng barko ay naganap sa gitna ng tumitinding tensyon sa pagitan ng Israel at Iran, ayon sa ulat ng Israeli Channel 12.
Bagama’t wala pang opisyal na pahayag mula sa U.S. military hinggil sa deployment, itinuturing ng mga eksperto na senyales ito ng mas matinding suporta ng Washington sa Israel.
Ang presensya ng Gerald R. Ford ay bahagi ng mas malawak na U.S. military buildup sa Gitnang Silangan, na nagdulot din ng paglikas ng mga Amerikano mula Iraq at pagpayag ng U.S. Embassy sa Israel na umalis ang mga non-essential personnel.
Kasabay nito, lumalakas ang opensiba ng Iran at ng Revolutionary Guard laban sa tinatawag nilang “occupied territories.”
Dahil dito, tumataas ang pangamba na maaaring humantong sa mas malawak na labanan ang patuloy na palitan ng opensiba sa pagitan ng Iran at ng U.S.-Israel alliance.
Nananatiling nakatutok ang pandaigdigang komunidad sa mga susunod na hakbang ng Washington at Tel Aviv, habang binabantayan ng United Nations ang sitwasyon upang maiwasan ang mas malaking eskalasyon.
USS Gerald R. Ford: Pinakamodernong Aircraft Carrier ng U.S. Navy
Ang Gerald R. Ford ay itinuturing na pinakamodernong barkong pandigma sa buong mundo, commissioned noong 2017, at simbolo ng bagong henerasyon ng U.S. Navy carriers.
Mga Katangian:
Displacement: ~100,000 tonelada (full load)
Haba: 333–337 metro
Lapad ng flight deck: 78 metro
Taas: 76 metro
Draft: 12 metro
Propulsion: Dalawang Bechtel A1B nuclear reactors (halos walang limitasyong range)
Bilis: Higit sa 30 knots (56 km/h)
Crew capacity: ~4,500 katao kabilang ang air wing
Flight deck systems: EMALS at advanced arresting gear (pumalit sa steam catapults)
Armament: RIM-162 ESSM, RIM-116 RAM, Phalanx CIWS
Cost: $12.9 bilyon bawat unit (bahagi ng programang higit $37 bilyon)
USS Abraham Lincoln (CVN-72)
Bukod sa Gerald R. Ford, kabilang din sa mga pangunahing barko ng U.S. Navy ang USS Abraham Lincoln (CVN-72), isang Nimitz-class nuclear-powered aircraft carrier na na-komisyon noong Nobyembre 11, 1989.
Mga Katangian:
Uri at Klase: Nimitz-class aircraft carrier
Displacement: ~104,300 long tons
Haba: 332.8 metro
Lapad: 76.8 metro
Draft: 11.3 metro
Propulsion: Dalawang nuclear reactors
Bilis: Higit sa 30 knots
Crew capacity: ~5,000 katao kabilang ang air wing
Armament: RIM-162 ESSM, RIM-116 RAM, Phalanx CIWS
Aircraft capacity: ~90 fixed-wing aircraft at helicopters
Cost: $2.24 bilyon noong itinayo (katumbas ng halos $6.8 bilyon sa halaga ng 2024)
