Hinihintay na lang ang tugon ng Estados Unidos matapos na pormal na nagsumite ang Iran ng pitong araw na roadmap upang wakasan ang anim na buwang giyera nito laban sa super power country.
Ipinasa ang nasabing plano sa Washington sa pamamagitan ng pamahalaan ng Qatar.
Ayon kay Iranian Foreign Minister Abbas Araghchi, magsisimula ang pitong araw na schedule kapag tinanggap ng US ang proposed plan, na kinabibilangan ng muling pagbubukas ng Strait of Hormuz sa ikaanim na araw at pagpapanimula ng pormal na negosasyon para sa kanilang nuclear programme sa ikapitong araw.
Kabilang sa mga pangunahing kondisyon ng Iran ay ang pag-alis ng US sa naval blockade sa kanilang mga daungan, pag-aalis ng sanction sa langis, pagpapalabas sa $12 bilyong nakapaskil na asset, at pagpapatupad ng ceasefire sa buong rehiyon kabilang ang Lebanon at Yemen.
Kapalit nito, muling bubuksan ng Iran ang kritikal na Strait of Hormuz, ang daanan ng ikalimang bahagi ng langis sa buong mundo, ngunit binigyang-diin ng Tehran na nakasalalay na ngayon sa panig ng Amerika ang desisyon kung ibig nitong matapos ang digmaan.
Bagamat nagkaroon ng positibong talakayan ang magkabilang panig sa United Nations, nananatiling duda ang ilang tagasuri dahil sa pagkakaakma ng bagong alok sa naunang kasunduan noong Hunyo na mabilis ding nawalan ng bisa at nasira.
