Lumagda ang Department of Transportation (DOTr) at Department of Human Settlements and Urban Development (DHSUD) sa isang kasunduan para sa relocation ng informal settlers na apektado ng mga proyekto may kinalaman sa mga proyekto sa transportasyon sa bansa.
Kapwa lumagda sa Memorandum of Agreement (MOA) sina Transportation Secretary Jaime Bautista at Human Settlements Secretary Jose Rizalino Acuzar.
Sa ilalim ng naturang kasunduan, magtutulungan ang dalawang ahensiya para sa relocation at resettlement activities sa maapektuhan ng mga transport projects, pagpaplano kasama ang concerned local government units kaugnay sa transport-oriented development areas ng malalaking proyekto at pag-aaral at plano sa estates at bagong town development para matiyak ang integrated land use at transport planning.
Ayon kay Acuzar, matitiyak sa naturang memorandum of agreement ang pagprayoridad pareho para sa transportasyon at pabahay para sa bawat pamilyang Pilipino na maapektuhan ng mga proyekto ng DOTr.
