Pumanaw na ang kilalang tv-gameshow host ng US na si Bob Barker sa edad na 99.
Ayon sa kaniyang publicist na si Roger Neal na namayapa si Barker dahil na rin sa katandaan nito sa kaniyang bahay sa Hollywood Hills, California.
Sumikat si Barker sa pagiging host ng “The Price Is Right” mula 1972 hanggang 2007 kung saan nakakuha ito ng 19 Daytime Emmy awards.
Nagbigay ito ng ilang milyong dolyar bilang donasyon sa pro-animal group para mapigilan ang barko ng Japan na pumatay ng mga pating.
Sa ilang taon nito sa game show ay mayroong mahigit $300 milyon na ang naipamigay sa pamamagitan ng cash at ilang premyo gaya ng kotse, appliances at biyahe.
Nagpaabot naman ng mensahe ng pakikiramay ang ilang mga kilalang showbiz personalities sa US at ibang bansa.
