Bunsod ng patuloy na mababang bilang ng nagpapabakuna ng booster dose sa bansa, nirebisa ng gobyerno ang inisyal na target sa unang 100 araw ng termino ng Marcos adminsitration.
Ayon kay DOH Officer-in-Charge Ma. Rosario Vergeire, inisyal na target ng pamahalaan ay nasa 50% ng eligible population ang mabakunahan ng unang booster shots.
Ito ay katumbas ng 23 million indibdiwal subalit hanggang sa ngayon ay mababa pa rin ang porsyento ng nababakunahan ng unang booster dose sa bansa na nasa 24% pa lamang.
Kaya’t target ngayon na maabot ang 30% na maturukan ng unang booster pagsapit ng Oktubre 8 at unti-unti ay makamit ang 50% hanggang 70% na mabakunahan ng 1st booster shot sa katapusan ng taon.
Muling ipinaalala ng DOH ang kahalagahan ng pagkakaroon ng karagdagang safeguard kasabay ng pagpapahintulot ng optional na pagsusuot ng face mask kapag nasa outdoor settings sa pamamagitan ng pagpapataas sa vaccine coverage.
Base sa data mula sa DOH as od September 12, nasa mahigit 72.8 million people ang nakakumpleto na ng kanilang primary COVID-19 doses. Nasa mahigit 18.6 million individuals naman ang nakatanggap ng unang booster dose, habang nasa mahigit 2.5 million ang naturukan na ng second booster shot.
