Tandag City ng Surigao del Sur, niyanig ng 5 magnitude na lindol

BUTUAN CITY – Walang inaasahang maitalang danyos ang Philippine Volcanology and Seismology o PHIVOLCS matapos yanigin ng 5 magnitude na lindol kaninang alas-12:47 ng hapon lang sa kanlurang bahagi ng Tandag City, lalawigan nga Surigao del Sur.

Base sa kanilang latest earthquake bulletin, may lalim itong 51-kilometro at tectonic in origin.

Dahil dito’y naramdaman ang intensity III sa naturang lungsod pati na sa Butuan City ng Agusan del Norte at Agusan del Sur.

Intensity II naman sa Cagwait ng Surigao del Sur at intensity I sa Surigao City ng Surigao del Norte.

Samantala naitala naman ang instrumental intensity 1 sa Cabadbaran City ng Agusan del Norte, Surigao City ng Surigao del Norte at Tandag City ng Surigao del Sur.