LAOAG CITY – Arestado ang isang lalako sa Brgy. 1, Canaan, Badoc sa pamamagitan ng naisagawang Anti-Illegal Drug Operation.
Kinilala ni Badoc PNP Chief Police Major Joseph Tayaban ang subject ng operasyon na si Gerald Valido y Pamittan, 36-anyos, walang asawa at residente ng nasabing barangay.
Ipinaliwanag ni Tayaban na naaresto ang suspek matapos magbenta ng isang heat sealed transparent plastic sachet na naglalamn ng hinihinalang shabu sa isang police poseur-buyer.
Sinabi nito na malaiban sa naibentang illegal na droga ay nakumpiska mula sa suspek ang dagdag na limang piraso ng maliliit na heat sealed transparent plastic sachet na naglalaman ng shabu, isang cellphone, isang round pouch, lighter at isang libong piso na nagamit sa operasyon.
Ani Tayaban na posibleng may bigat na isang gramo ang nakumpiskang iligal na droga at maystandard drug price na 6,800 pesos.
Ipinaalam ni Tayaban na si Valido ay Street Level Individual.
