-- Advertisements --
Ipapatupad ngayong araw, Disyembre 1, ng Department of Agriculture (DA) ang maximum suggested retail price (SRP) na P120 kada kilo ng pula at puting sibuyas.
Ayon Agriculture Secretary Francisco Tiu Laurel Jr, na layon nito ay para makontrol ang pagtaas ng presyo ng sibuyas lalo na ngayong Christmas Season.
Ipinatupad nila ang SRP dahil sa tumataas ang presyo ng sibuyas kung saan base sa kanilang monitoring ay pumapalo na ito ng hanggang P300 kada kilo o minsan ay umaabot pa ito ng hanggang P400 kada kilo.
Ipinaalala din ng Kalihim na epektibo ng hanggang Disyembre 31 ang ipinapatupad na rice-import moratorium.
