Walang banta ng tsunami sa Pilipinas kasunod ng naganap na magnitude 7.0 na lindol sa silangang baybayin ng Kamchatka, Russia ngayong Biyernes, Oktubre 16, 2026.
Batay sa Tsunami Information No. 1 na inilabas ng Philippine Institute of Volcanology and Seismology (PHIVOLCS) ganap na alas-11:36 ng umaga, naitala ang malakas na pagyanig sa lalim na 148 kilometro sa rehiyon ng Russia.
Ayon sa kawanihan, walang inaasahang anumang mapanirang alon ng tsunami na makakaapekto sa mga baybayin at karatig-dagat ng bansa batay sa mga nakalap na datos at lokasyon ng pagyanig.
Dahil dito, inihayag ng PHIVOLCS na hindi kinakailangan ang anumang paglikas o aksyon sa mga paitaas at pambaybaying komunidad sa Pilipinas.
Kasabay nito, pinaalalahanan ng ahensya ang publiko na manatiling kalmado at umaasa lamang sa mga opisyal na abiso ng pamahalaan ukol sa mga kaganapan sa karagatan.
