Ipinagpatuloy pa rin ng sikat na ballet dancers sa Russia ang pagtatanghal para sa kaniyang mga fans.
Isinagawa nito ang pagtatanghal sa loob ng kani-kanilang bahay para mapagbigyan ang kanilang mga online fans.
Pito kasi sa miyembro ng Mikhailovsky Theater sa St. Petersburg ang sabay-sabay na sumayaw habang sa nasa loob ng kanilang mga bahay.
Makikita sa kanilang video ang iba’t-ibang kinaroroonan nila sa kanilang bahay.
Mayroong iba ay nagtanghal sa garahe, sala habang ang iba ay nasa kanilang kusina.
Umabot sa mahigit 30,000 views sa Instagram at 550 comments naman ang nakuha nila sa Facebook.
Ikinatuwa ng mga fans ng grupo ang nasabing ginawang pagtatanghal dahil kahit na may ipinapatupad na lockdown bunsod ng coronavirus pandemic ay nakakapanood pa rin sila ng paborito nilang ballet dance.
