Ginawaran ng Meritorious Achievement Medal at itinaas sa susunod na ranggo ng Philippine Army si World Boxing Association (WBA) Asia Super Featherweight Champion, reservist Staff Sergeant Charly C. Suarez.
Ang awarding ceremony ay pinangunahan ni Phil. Army Commanding General Lt. Gen. Romeo Brawner Jr. kahapon sa Phil. Army Headquarters sa Fort Bonifacio sa Taguig City.
Ang parangal at promosyon ay bilang pagkilala sa natatanging “achievement” ni SSgt. Suarez sa pagkapanalo sa WBA Asia Superfeather Champion title fight sa Flash Grand Ballroom, Elorde Sports Complex, Paranaque City noong March 12, 2022.
Pinuri din ni Lt. Gen. Brawner si SSg Suarez sa kanyang pagtataglay ng lahat ng katangian ng isang tunay na mandirgma na may dedikasyon at “passion” sa pagsisilbi sa bayan.
Si SSgt. Suarez ay isang enlisted reservist na kabilang sa 1303rd Community Defense Center, NCR Regional Community Defense Group ng Phil. Army Reserve Command.
